| Главная | Новости | Материалы | Документы | Персоналии | Ссылки | Контакты | Гостевая |
СЛУЖБА
- ПРОЕКТ
ИСПОВЕДНИКУ СВЯТОГО ПРАВОСЛАВИЯ, ДОКТОРУ
БОГОСЛОВИЯ ПРОТОПРЕСВИТЕРУ ГАВРИИЛУ КОСТЕЛЬНИКУ, ПОЛОЖИВШЕМУ ДУШУ СВОЮ ЗА ВЕРУ
ОТЦОВ СВОИХ, НА ИСКОНИ ПРАВОСЛАВНОЙ ГАЛИЦКОЙ ЗЕМЛЕ 7/20 сентября 1948
года.
Служба написана Митрополитом Харьковским и Богодуховским Никодимом в январе 2000 года
Текст Службы-проекта написан мною с той целью, что если Богу будет угодно прославить своего верного исповедника на Галицких землях протопресвитера Гавриила Костельника, дабы таковой уже был готов к Богослужению в Святых Православных храмах.СЛУЖБА
священнонсповеднику Святого Православия Доктору
Богословия протопресвитеру Гавриилу Костельнику. Память его исповедничеекой
кончины 7/20 сентября.
На великой
вечерни:
Поем Блажен муж : стихиры на
6. Глас 8. Подобен: Мученицы Твои, Господи :
Скрижали божественных догматов Церкви Православныя, / пламенем Духа Святого в сердце твоем написаны, / ревностно дориносил еси всеблаженне Гаврииле, / их же кровию вонзенного сердца твоего,освятив преславно, / и сице жертва священная любящему всех нас Господу принеслся еси. / О сем Церковь Христова, в горниле испытаний торжествующая, / прославляет святую память твою препрославленно.
Земля Галицкая, колыбель духовная князей
православных, / пламенем веры сыновей и дочерей своих торжествуй, / в
верности Христу - Главе Церкви Святыя несгибаемых, / якоже священномученик
новый и предивный Гавриил, / безбоязненно, якоже Моисей, руце свои к Богу
воздеваше, / - о пастве своей православной, Жертву Бескровную приношаше, -
юже змий злобою огнедышущий одолети тшится, / пламя же Духа Святаго невредимо
сию присно освящает.
Столп и утверждение Святого Православия явился
еси / священномучениче Христов Гаврииле, / протопресвитеров пажети
православныя красоте неувядаемая, / юже благоверный князь Владимир в народе
нашем насади, / праотцы и отцы наши исповедническою кровию израстиша, / латиняне
же и противляне - лжебратия наша опустошити вертоград сей устремишася. / Вы же,
страстотерпцы земли нашея, молитеся за ны ко Господу, / в горниле испытаний
лютых спаситися душам нашим.
Иные стихиры, глас 8. Подобен:
Что тя
наречем:
Что тя наречем, твердый адаманте Христов? / Исповедника истинна и учителя достославна, / лжи великого обличителя, православна поборника, / светом евангельской истины всех озаряюща; / страже стада Христова недремлющий Гаврииле. / Моли Христа спастися народу нашему, / лжеверием потопляема.
Что тя наречем, Гаврииле премудре? / Сокровищницу
разума божественнаго, неисчерпаемую реку, / от мысленного Едема исходящую,
орошением духовным землю галицкую напаяющую; / столп огненный, во тьме лжеверия
верным путь показующий, / сосуд освященный, кровь завета верности Богу
содержащий. / Моли спастися всем память твою чтущим.
Что тя наречем, догматов православных блюстителю?
/ Камень веры, на нем же Церковь Христова утверждается, / кедр ливанский, фимиам
благочестие источающий, / серп, пшеницу от плевел нечестия очищающий, / труба
небесная обольстителей веры обличающая, / гром полуденный, Иудино отступничество
опаляющий. / Моли, всеблаженне, мир вселенней даровати, / и велию
милость.
Слава, глас
8:
Песнословим тя исповедниче Христов Гаврииле,
/православных догматов риторе медоточный, / сердце бо твое, стрелою убийц
пронзенное, / жаждущим познания истины, жизнь источи, / не страшитися
убивающих тело в вере утверди. / Тако бо столп и утверждение Святаго Православия
воссиял еси,/ Всеблаженне крестоносителю и друже Христов, / Его же до крови душа
твоя возлюби, / своею кровию пред Лицем Его священнодействующе, / о народе нашем
присно сраспинаяся.
И ныне, глас тот
же:
Тебе, Пречистая, припадающе, умильно взываем, /
подаждь утешение Боголюбиво-му народу нашему, / напастями от лжебратии и ересей
люте обуреваемого, / сии бо святыни отцев наших оскверняюше, / а иныя
пламенем оогненным истребляюше, / православные люди с храмов Божиих, / аки
скот на зной и мраз изгоняюше, / жестокосердием своим, аки благочестием,
хвалящиися. / Ты же Пречистая Мати Христа Бога нашего, / спаси и сохрани нас от
адской злобы сих, / на Тя бо надежду возлагаем, о всепетая
Мати.
На стиховне стихиры, глас
5:
Подобен: Радуйся:
Радуйся крине предивный земли сербския, / благочестием веры в земле Галицкия процветший, / православными учениями люди своя напоил еси, / зломудрствование латинское изоблачил еси преизрядно, / твердость стояния между олтарем и народом православным, / якоже Захария Первосвященник, / кровию своею запечатлев преславно.
Стих: Блажен муж, бояйся Господа, / в заповедях Его
восхощет зело.
Радуйся, угодниче Христов Гаврииле, / сокровища
духовныя премудрости стяжателю, / ею же народы православныя прсветил еси, /
греховное похищение Божествен-ныя чести, / человеком смертным безбоязненно
обличил еси, / Христа, Единую Главу Церкви Святыя, / смертию своею прославил
еси, / Отцем вселенския Церкви уподобился еси
преславно.
Стих: Священницы Твоя облекутся в правду, / и
преподобнии Твои возрадуются. Радуйся, бисере, Жизнодавца Христа, / в сердце
своем снискал еси, / - яко учитель Православныя веры поборник явился еси, /
твоим крепким стоянием и терпением Христовым, / Пребожественныя Троицы
селение явился еси, / пресветлый адаманте Христов Гаврииле / тем же молися
о нас, пастырю предивный, / да обрящем милость от Христа в день
судный.
Слава, глас тотже:
Проникл еси в глубины Божественных догматов, / богомудре Гаврииле верный исповедниче Христов, / и оттуду благодать духа почерпнул еси, / яко к чаши премудрости устне свои приложив, / разум Божественный всем открыл еси, / яко таинник видений духовных сокровиш, / на твердом основании веры паству свою утвердив, / пастырю досточудный овец Христовых, Гаврииле.
И ныне Богородичен, глас
тотже:
Щедроты твоя. Боже, Отче, Вседержителю, / на люди
православныя любящих Тя ниспошли, / молитвами страстотерпца Твоего Гавриила, / и
Пречистыя Твоея Матери, / просвети и спаси народы наша, / на Тя,
Всемилостиве, уповающия, / Пречистую Матерь Твою вседушевне
славяще.
Тропарь, глас
2:
Столп и утверждение Православных догматов был
еси, / достоблаженне протопресвитере Гаврииле, / ревностию по Бозе и
непоколебимости Церкви Христовой, / Василию Великому, Григорию Богослову и
Иоанну Златоусту, уподобился еси преславно, / противоборствующих разуму Божиему
и единству Церкви Вселенския / в единоборство пошел еси, / мстителей могущих
тело убити, но не душу, / не устрашился еси. / Сице бо Церковь Православная
присно восхваляет имя твое, / яко стратега Христова непобедима и
неустрашима.
На утрени:
На Бог Господь: Тропарь священномученику, дважды.
Слава,и ныне,Богородичен
По первом стихословии седален, глас
4:
Якоже звезду пресветлую, Содетель мира дарова тя
народу галицкому, / в вере от-цев своих православных неоскудевшего, / имже ты,
досточудне Гаврииле, истинный пастырь явился еси, / такс бо к Горнему Храму
священнодействовати восшел еси, / поюше победную песнь: Троице Единосушней и
Нераздельней!
Слава, и ныне, Богородичен, глас
тотже:
Прими, Владычице, молитвы наша и принеси я к Сыну
Твоему и Богу нашему, / Яко да избавит нас от дерзостей лукавых гонителей, /
присно нападающих на ны, / воеже совратити нас с путей веры отцев наших, /
молимтися Надежно наша непостыдная.
По 2-м стихословии, седален, глас
1:
Блистанием Божественнаго света, / присно озаряем,
священноисповедниче Гаврииле, / весь светоносен был еси в душе твоей, /
многими дарованьми от Бога украшен явился еси, / тем же немеркнущим светом землю
Галицкую облистал, / его же тьма лжеверия объяти
невозможе.
Слава, и ныне , Богородичен, глас
тотже:
Бога из Тебе воплотившагося, познахом, Богородице
Дево, / Того со священному-чеником Гавриилом моли / спастися боголюбивому народу
нашему, / и всей стране нашей, / да прославляется на ней Имя Господне, / и
благость Десницы Его покрыет нас.
По полиелсй седален, глас
3:
Красотою жития твоего и трепетных
священнодействий твоих, / Ангелов и челове-ков возвеселил еси, / верный пастырю
Христов Гаврииле. / Сии бо недоумеваху егда рука убийцы вонзе стрелою сердце
твое, / да умолкнет глаголати истину святую, / со благоговением подъяша душу
твою к горнему престолу, / да увенчает ю Христос венцем славы
небесныя.
Слава, и ныне, Богородичен, глас
тотже:
Ангельских сил веми Тя превысшую, / Спаса и Бога,
и Тебе Всепетую Богородицу, / людии православные от души славят, моляшеся : / от
супостатных нашествий и клеветы их / поющий Тя и Сына Твоего,
избавити.
Та же Степенна, 1-й антифон 4-го
гласа. Прокимен, глас 4:
Уста моя возглаголют премудрость / и поучение
сердца моего разум. Сшмх : Услышите сия, вси языцы, внушите, вси, живушии по
вселенней. Всякое дыхание: Евангелие от Луки, зачало 24.
По 50-м псалме стихира, глас
8:
Иже благодатию Божественнаго Духа / собрании
празднолюбцы, / лик составль-ше, воспоем песнь нову, / память совершаюше пастырю
веры непоколебимой, / и любви ко Пастыреначальнику Христу неугасимой. / Его
же житие и кончину славную праз-нуюше, / Главу Церкви Святыя - Христа
Жизнодавца, / якоже священноисповедник Гавриил, / житием и верою, даже до крови,
прославим.
Канон. Богородицы на 4, и святому на
4 :
Канон святому, глас
8:
Песнь 1
Ирмос . Поим Господеви, / проведшему люди Своя сквозе
Чермное море,- яко Един славно прославися.
Тебе, Богопроведнику, приношу похвалы / и молюся датися ми твоими к Богу молитвами, / яко да твоим святым горением, Богомудре Гаврииле, возлюбим Крест Христов, / прославляя величие подвига твоего, неувядаемую красоту.
На земле яко человек пожил еси, / не земная
мудрствуя, премудростию Христовою облекся еси, / богомудрыми писаньми
догматы православныя всем изъяснил еси, / сице бо прослави тя Господь, Гаврииле
светозарне.
Яко Божий избранник и святых Отец собеседник, /
шлем веры безбоязненно взем, на рать против дерзких мира сего пошел еси, /
зломудрствование сих, Христовою премудростию посрамив, / народы галицкия
облистав, прославляющих святую память твою.
Богородичен : Зачала еси воистину Бога Слова во утробе Твоей, /
и Сего паче естества, Пречистая, родила еси, / Егоже милостива сотвори нам
в день Судный, Богоизбранная Марие.
Песнь 3:
Ирмос : Ты еси утверждение / притекающих к Тебе,
Господи, /Ты еси Свет омраченных. / и поет Тя дух
мой.
Слове Божий, помози нам достойно воспети
избранника Твоего, / светом Евангельской Истины народы галицкия, латинской
ересью помраченного, / в вере отцев своих, издревле православныя просветившего
и ко Христу приведшаго
Храм Христов, премудрости сокровище, меч
злохуление пресекающий,/днесь при-идите, верные, воспоем пастыря нашего
Гавриила, /струями кровей своих зломудрствование латинское
потопившего.
С мучениками Христовы, мученик-исповедник явился
еси пресветлый, / во священ-ницех богомудрых явился еси ревностный
крестоноситель за род православный, / за нас верных чад твоих, молитвенник ко
Христу преизряден, Гаврииле, отче наш.
Богородичен: Одушевленный Божий дом, / Богородице Благая, мира
Радосте, / не отрини нас далече от Тебе, / ущедри же и всех напастей избави, /
яко да возвеличим покров твой Святый, нас покрывающий.
Седален, по 3-й песни:
Кровь твоя, богомудре Гаврииле, / якоже Авелева
иногда, / от земли галицкия к Богу вопиет : / устыдитися Бога небоящиися, /
возбесившиися, клеветою и коварством, / народы православныя истребляти, / храмы
же их, небоподобныя, оскверняти, / яко Бог поруган не бывает, / злобою лютующим,
мздовоздаст, / якоже Каину братоубийцу, божественне
воздаде.
Слава,и
ныне,Богородичен:
Чистая, Всснепорочная и Неискусобрачная, /яже
Единая Безлетнего Сына и Слова Божия / в последняя лета родши, / Сего, со всеми
святыми в земле нашей просиявши, моли, / спасти боголюбивый род наш / от
злохулителей и ненавидящих нас, / яко Имущая милосердие
неизреченное.
Песнь 4:
Ирмос : Услышах, Господи смотрения Твоего таинство, /
разумех дела Твоя / и прославих Твое Божество.
Ревнуя, поревновал еси ко Господу, / всеблаженне
отче наш Гаврииле, / якоже Илия иногда, / злочестиве Изабелины погуби, / посекл
еси богомерзкие измышления словом, ритора Христова.
Якоже Давид на Голиафа безумствовавшего, / камень
веры поднял еси, Всеблаженне, / на единство Церкви Вселенския восстающих, /
сих кровию своею поразив, да торжествует Христос в сердцах наших, яко
Всесилен.
Тебе молимся и к тебе прибегаем, / пастырю
Христов вернейший, / стрелы, вонзившей сердце твое, / боль всей Церкви
Православныя испытал еси, / укрепи сердца наши стрел ненавидящих нас не боятися,
/ да царствует Христос в сердцах наших во веки.
Богородичен: Тебе, Мати Пресладкаго нашего Иисуса, /
Ходатаицу предлагаем, верные рабы Твои, / ты бо еси всем спасительное прибежище,
/ и благонадежное пристанище, от ищущих гибели нашея.
Песнь 5:
Ирмос : От ноши неведения, / Боговедением просветивый
концы, / просвети мя утром человеколюбия Твоего
Господи.
Создателю Ангелов и света Подателю, Иисусе
Христе, ум и сердца наша просвети, / да достойными усты прославим подвиги
вернаго раба Твоего, / кровию своею землю нашу
освятившего.
Якоже Гедеон иноплеменники, / громогласно
заградил еси уста лжспроповедни-ков, достоблаженне Гаврииле, / загради адское
дыхание всей спиры ерстичествующих, / устремившихся осквернити совесть и разум
народа нашего.
Яко избранный Божий, и Богом возлюбленный, / отче
наш Гаврииле, помози нам напастьми лютыми обыдемых, да не падше, погибнем, в
сетях сатанинских ловлений, / ринувших во еже погубити
нас.
Богородичен: Теплая Заступнице к Тебе прибегающих и
ненадеющихся Надежде, / виждь, Пречистая Мати, скорбь народа нашего
православнаго, / и подаждь помощь всем на Тя уповающих.
Песнь 6:
Ирмос : Ризу мне подаждь светлу, / одеяйся светом,
яко ризою, / Многомилостиве Христе Боже наш.
Богоизбранному сосуду - Павлу Первоверховному, /
трудами веры, воистину уподобился еси, Гаврииле богомудре, / яко сосуд
злат, честен, богоизбран, / чистотою веры сердца наша
напаяеши.
Победив века сего зломудрствование, / в небесная
возшел еси, непобедиме Гаврииле, / победы венец нося от вседержительныя
руки Божия, / моли от бед спастися тебе почитающим.
Призри, о Всеблаженне, на слезы и воздыхания
наша, / веру отеческую православную верно хранящих, / юже сыны, пламени
злобы адския, устремившася в сердцах наших испепелити и
умертвити.
Богородичен: Всеблагая Мати Божия, / яже преблагаго родши, /
озлобленные стра-стьми сердца наша очисти, /ив вере отеческой укрепи, / да
спасаемы, любовию величаем Тя, Пречистая Мати.
Кондак, по 6-й песни, глас
8:
Избранному и твердому исповеднику Христову, /
православною мудростию воссиявшему, / жертвоприношение за паству галицкую,
/ якоже праведный Авель, / кровию своею освятившего, / сице бо, венценосно,
со исповедники двутысячилетней славы, / Церковь Христову велелепно украсившего.
/ егоже ублажающе, вопием: / Радуйся, протопресвитере Божий Гаврииле, / Святаго
православия похвале, / и немеркнущая славо.
Икос:
Христа, Единаго Главу Церкви Святыя ясно
разумеюше, / Егоже таинник Христов Иоанн сидящего на престоле славы видя, /
якоже Отцы Соборов вселенских в Символе Веры Православныя, исповедаша, /
ревностию Павловою, яко незыблемую евангельскую Истину, / в народе нашем
пламенно утверждал еси, /ив ней единой спастися проповедовал еси. / За сие,
ищущие достижения целей своих средствами лукавствования, / огненной стрелой
сомкнули духоносные уста твоя. / Мы же, ублажая ревность твою о соблюдении
в чистоте догматов православных, / вопием ти с любовию: Радуйся, протопресвитере
Божий Гаврииле, / Святаго Православия похвале и немеркнущая
славо.
Песнь 7:
Ирмос : Отроцы еврейский в пеши / попраша память
дерзновенно / и на росу преложиша, вопиюще, / благословен еси, Господи Боже, во
веки.
О Всеблаженне отче наш Гаврииле, / Ты веси, како
огнедышущие латиняне со полоняне, / аки змии огнедышущии восеташа на ны ,
воеже сожеши нас, / ты же вознеси святыя молитвы ко Господу, / да не погубит нас
пламя ярости их.
О Всеблаженне страже Церкви Православныя,
Гаврииле, / возвести Всемилостивс Господу, / како полчища ересей всемирных,
собрашася, воеже погубити народы сла-вянския - Православныя, / насаждающий в
земле нашей капиша свои, / да защитит нас Десницею Своею.
О Всеблаженне исповедниче Христов Гаврииле, /
воплем святыя Крови Твоея, припади ко Господу, да утвердит род наш
православный, / не боятися ищущих души наша погубити, / якоже Ты не убоялся еси,
/ любовию к Нему пламенея.
Богородичен: О, Всепетая Мати, / видевшая прободенное на
Кресте сердце Сына Своего и Бога нашего, / виждь сердца наша вонзенные любовию
ко Господу, / и ублажи Его, / да спасет от рук ненавидящих нас,
люте.
Песнь 8:
Ирмос : Богоглаголивии отроцы в пеши, / со огнем
пламень попирающий, пояху:
/ благословите дела Господня,
Господа.
Светом Божественным и благодатию Духа Святаго,
благоухаюше / священная память твоя, всеблаженне Гаврииле, / просвещает
верных, созываюше воспети: / Господа пойте, и превозносите Его во
веки.
Ныне время торжества, ныне радость духовная
явися, / возвеселимся убо, Христо-именитые людие, / подвиг веры отцев наших
восхвалим, вопиюше: / Господа пойте, и превозносите Его во
веки.
Иже с тобою верные чада твоя, Гаврииле досточудне, / учению твоему последующе, земные скорби ни во что же вменяюше, / грядущие небесные взыскующе, вопиют:/ Господа пойте, и превозносите Его во веки.
Богородичен: Храм Тя Божий, Владычице, Ведущие, во святем
храме Твоем руки наша возносим на молитву, / виждь изнеможение наше и подаждь
нам, да всегда в радости вопием: / Господа пойте, и превозносите Его во
веки.
Песнь 9:
Ирмос :. Проявление на Горе Законоположнику во огне и
купине / Рождество При-снодевы / в наше, верных, спасение / песньми немолчными
величаем.
Светлое торжество, — се память священная, се благодать сошедшимся прославити священноисповедника Гавриила, / по зову Господнему: Отдай мне сердце твое, / струи крови сердца своего Христу источи, / в радость Господа своего славно вшедшего.
Имиже весть судьбами прославляет Господь святыя
Своя, — ихже имена в книгах жизни написана суть на Небесе, / Той же и тя
прослави Своим милосердием, всеблаженне Гаврииле, / мы же всерадостно тя
величаем.
Ныне с Лики Ангельскими на Небесах предстоиши
Владыце всех, / исповедниче Христов преизрядне Гаврииле, / и веруем, моляшися за
скорьбми обуреваемый народ наш, / мы же любызаюше страдания твоя, тя
прославляем.
Богородичен: Взираюше на святыя иконы Твоя, Владычице, /
радостно зрим величие и славу твою и благочестно славим Тя, / яко покров,
заступление и спасение душ наших.
Светилен:
Многосветлый светильниче, чистоты сокровище, /
веры Православныя непоколебимое утверждение, / жертва, любовию пламенеющая.
/ Ангелом собеседника, / дом
Духа Пресвятаго тя веми, / священноисповедниче
Гаврииле, / непрестанно Христу молящегося, / о почетающих пречистую память
Твою.
Слава и ныне,
Богородичен:
Тя песньми немолчными ублажаем Дево, / яко от
Троицы Единаго родила еси, Богородице, / и носиши на Святых Твоих объятиях
Предвечное Слово, / немеркнущее сияние Божества, / Его же песньми достойно
славим.
На хвалитех, стихира, глас
5:
Днесь, православные людие, верою взыграйте, /
боголюбивый пастырь земли Га-личския, / протопресвитер Гавриил богомудрый, /
чашу крови своея за нас Христу приносит, / крепости сил и твердого стояния
противо люте борющих на нас, / у Христа Бога нашего усердно молит, /да не
предаст нас Господь на посмеяние, / жаждущим, во имя Его, истребити
нас.
Днесь, вселенная вся всерадостно торжествует, /
прославляя двутысячилетнее бытие Церкви Христовой, / юже Господь созда и
утверди Пречистою Своею Кровию, / в ней бо земнии и Небеснии Христа дориносят, /
Божественною любовию Его увенчанные, / идеже лик святых угодников земли
нашея, / с ними же, Гавриил усердный за нас крестоноситель, / Трисвятую песнь
Творцу возносит.
Днесь, Горнее Царство, вышний град Божий, /
страстотерпцев Христовых венцами небесными венчает, / земля веселится, небо
торжествует, / победа Победившего смерть, Творца прославляют, святые же Его, за
нас умертвивших их, / прошение и оставления грехов просят, / да посрамится жало
смерти любовию Христовою, / ею же священноисповедник Гавриил, / яко ходатай за
народ наш, ублажается.
Слава,глас 6:
Священства одеждою и Боговидением / светлейшую
твою душу просветив, / Пре-божественней Троице сию обиталише сотворил еси /, яко
тайник видений духовных, / стадо свое в истинной вере утвердил еси, / в ней же
святые Кирилл и Мефодий, / народы славянския духовно просветиша, /
благоверный Владимир и княгиня Ольга, / крещением святым усыновиша, / юже
печатию крови твоея, всеблаженне Гаврииле, в сердцах наших запечатлел еси,
/ яко друг Христов и верный крестоноситель за народ наш.
И ныне,
Богородичен:
Богородице, Ты еси Лоза истинная, / возрастившая
нам плод живота, / Тебе молимся: молися, Владычице, / с исповедником
Христовым Гавриилом, / помиловати и спасти народы наша.
Славословие великое и
отпуст.
На Литургии Блаженны канона, песнь
3-я и песнь 6-я.
Прокимен,глас 7: Возвеселится праведник о Господе, / и уповает на
Него. Стих: Услыши, Боже, глас мой, внегда
молитимися к Тебе. Апостол Деяний, зачало 29.
Аллилуя, глас 4:
Праведник, яко финике, процветет, яко кедр, иже в Ливане, умножится. Стих: Насаждени в дому Господни, во дворех Бога нашего
процветут. Евангелие от Иоанна, зачало 52. Причастен: В память вечную:
Слава Богу за все!
Главная | Новости | Материалы | Документы | Персоналии |
